Og‘ir atletika bo‘yicha O‘zbekiston terma jamoasi Xitoyda o‘tkazilgan Jahon kubogidan so‘ng Qatar Xalqaro kubogida ishtirok etmoqda.
Bugun musobaqa doirasida o‘tkazilgan bahslar jamoamiz uchun muvaffaqiyatli yakunlandi. -55 kilogramm vazn toifasida yurtimiz sharafini himoya qilgan Muattar Nabiyeva musobaqa g‘olibligini qo‘lga kiritdi.
Hamyurtimiz o‘z chiqishlarida dast ko‘tarishda 89 kg, siltab ko‘tarishda 114 kg va ikki kurash bo‘yicha 203 kilogramm natija qayd etdi. Shubhasiz, bu natija Nabiyevaga har uch yo‘nalishda oltin medallarni taqdim qildi. Shohsupaning qolgan pog‘onalaridan Ukraina va Italiya terma jamoasi vakillari joy olishdi.
