Huquqiy jihatdan Muborakning “Mash’al” klubiga tegishli bo‘lgan, yakuniga yetgan Superligada “Andijon” jamoasi tarkibida o‘ynagan hujumchi Shahzodbek Ubaydullayev yangi mavsumni Bekobodning “Metallurg” jamoasida boshlashi mumkin.
Olingan so‘nggi ma’lumotlarga qaraganda, “Metallurg” klubi Ubaydullayevning transferini “Mash’al” jamoasidan sotib olish niyatida.
Aytish kerakki, Ubaydullayevning “Mash’al” jamoasi bilan tuzilgan shartnomasi 2020 yilning oxirigacha amal qiladi.
Eslatib o‘tamiz, Superliga-2019da “Andijon” tarkibida 24 ta uchrashuvda maydonga tushgan Shahzod Ubaydullayev 9 ta gol kiritishga muvaffaq bo‘ldi.
