"Manchester Yunayted" klubi "Boxing Day"ni a’lo darajada o‘tkazmoqda. Sulsher jamoa Angliya chempionatining 20-turi doirasida "Byornli" klubi mehmoni bo‘lib, safardan 3 ochko bilan qaytdi.

Har ikkala bo‘limning so‘nggi daqiqalari mankunianliklar uchun omadli keldi. Birinchi bo‘lim oxirida Antoni Marsial hisobni ochgan bo‘lsa, ikkinchi taymga qo‘shib berilgan daqiqalarda Markus Reshford hisobdagi farqni ikkitaga oshirdi.

Ushbu g‘alaba tufayli "MYU" o‘z ochkolarini 31taga yetkazib, jadvalda 5-o‘ringa ko‘tarilib oldi.

Angliya chempionati, 20-tur
Byornli – Manchester Yunayted 0:2 (0:1, 0:1)
Gollar: 0:1 – 44 Marsyal, 0:2 – 90+5 Reshford.
Byornli – Poup, Bardsli, Tarkovski, Mi, Teylor, Xendrik (Rodriges, 59), Vestvud, Kork (Breydi, 87), Maknil, Vud, Barns (Gudmundsson, 68).
Manchester Yunayted – De Xea, Yang, Lindelef, Maguayr, Uilyams, Fred, Matich, Jeyms, Pereyra (Lingard, 73), Reshford, Marsyal (Shou, 89).
Ogohlantirishlar: Bardsli (23), Mi (61), Teylor (71), Maknil (89), Uilyams (90), Lingard (90), Fred (90).