«Manchester Siti» bosh murabbiyi Xosep Gvardiola Angliya liga kubogi doirasida «Manchester Yunayted»ga qarshi bo‘ladigan o‘yin oldidan o‘z fikrlari bilan o‘rtoqlashdi.

«Nazarimda, Ule jamoadagi o‘ziga kerakli jihatlarni ko‘ra boshladi. Ulkan jamoani boshqarish oson ish emas. Murabbiydan hamisha g‘alaba kutishadi, ularga esa vaqt kerak. O‘ylashimcha, «Yunayted» Sulsher xohlagandek o‘ynay boshladi.

O‘tgan oyda «MYU» bilan o‘ynagan edik. O‘shanda qarshi hujumlarni o‘tkazib yubordik. Chunki ular 2-3 soniya ichida to‘pni jarima maydonigacha yetkazishga ulgurishdi. «MYU» a’lo darajadagi tempda o‘ynaydi. Ularning tarkibida iqtidorli futbolchilar bor», — dedi Gvardiola.

Angliya liga kubogi yarim final bosqichi doirasidagi «Manchester Yunayted» — «Manchester Siti» o‘yini ertaga — 7 yanvar kuni bo‘lib o‘tadi.