Dekabr oyida Ozarboyjonning «Keshlya» klubi bilan shartnoma imzolagan Shohruh Gadoyev kuni kecha yangi jamoasi safida mashg‘ulotlarda ishtirok eta boshladi. O‘zbekistonlik futbolchi azerisport.com nashriga intervyu berdi.

— O‘zbekistondan Ozarboyjon chempionatiga o‘tishingiz qanday yuz berdi?
— Ozarboyjon jamoalarini ularning yevrokuboklardagi ishtiroki orqali bilaman. Ayniqsa, "Qorabog‘"ga qarshi o‘yinlar yodda qoldi. «Keshlya»ning «Qorabog‘»ga qarshi so‘nggi o‘yinini (2:2) stadiondan tomosha qildim. Menga futbol saviyasi va yangi jamoamning o‘yini yoqdi.

— Demak, o‘z jamoangiz haqida ko‘p narsa bilasiz?
— Jamoa yaxshi taassurot qoldirdi. Ayniqsa, «Qorabog‘» kabi jamoaga qarshi uchrashuvda. Umid qilaman, «Keshlya»ga yordamim tegadi va biz kelasi mavsumda Yevropa ligasida ishtirok etamiz.

— O‘zbekiston va Ozarboyjon chempionatlari haqida nima deya olasiz?
— Hozircha bitta o‘yindan xulosa chiqarish kerak. Chempionatda ishtirok etsam, keyin sizga qaysi chempionat kuchli ekanini aytishim mumkin.

— Ozarboyjonda o‘z oldingizga qanday vazifalarni qo‘yasiz?
— Oldindan katta gapirmoqchi emasmas. Faoliyatimni boshlasam, uyog‘ini ko‘ramiz.