Декабрь ойида Озарбойжоннинг «Кешля» клуби билан шартнома имзолаган Шоҳруҳ Гадоев куни кеча янги жамоаси сафида машғулотларда иштирок эта бошлади. Ўзбекистонлик футболчи azerisport.com нашрига интервью берди.

— Ўзбекистондан Озарбойжон чемпионатига ўтишингиз қандай юз берди?
— Озарбойжон жамоаларини уларнинг еврокубоклардаги иштироки орқали биламан. Айниқса, "Қорабоғ"га қарши ўйинлар ёдда қолди. «Кешля»нинг «Қорабоғ»га қарши сўнгги ўйинини (2:2) стадиондан томоша қилдим. Менга футбол савияси ва янги жамоамнинг ўйини ёқди.

— Демак, ўз жамоангиз ҳақида кўп нарса биласиз?
— Жамоа яхши таассурот қолдирди. Айниқса, «Қорабоғ» каби жамоага қарши учрашувда. Умид қиламан, «Кешля»га ёрдамим тегади ва биз келаси мавсумда Европа лигасида иштирок этамиз.

— Ўзбекистон ва Озарбойжон чемпионатлари ҳақида нима дея оласиз?
— Ҳозирча битта ўйиндан хулоса чиқариш керак. Чемпионатда иштирок этсам, кейин сизга қайси чемпионат кучли эканини айтишим мумкин.

— Озарбойжонда ўз олдингизга қандай вазифаларни қўясиз?
— Олдиндан катта гапирмоқчи эмасмас. Фаолиятимни бошласам, уёғини кўрамиз.