Italiyaning «Inter» klubi bosh murabbiyi Antonio Konte Zlatan Ibragimovichning «Milan» klubiga o‘tishiga o‘z munosabatini bildirdi.
«Avvalo, Zlatan bilan salomlashmoqchiman.U buyuk chempion. Men uni «Chelsi»ga olib kelmoqchi bo‘lganman. Ibragimovichni juda qattiq hurmat qilaman, u ajoyib futbolchi.
O‘ylaymanki, «Milan» klubiga ko‘p foyda olib keladi. Uning individual harakatlari boshqa futbolchilarning o‘sishiga katta yordam beradi. Menimcha, murabbiylar boshqalarni boshqara oladigan shunday futbolchilar bo‘lishini juda xohlaydi. Bunday holda barcha ishlaring osonlashadi» dedi Konte.