Angliyaning «Manchester Yunayted» klubi sobiq hujumchisi Dimitar Berbatov Ule Gunnar Sulsherjamoa yaxshi o‘yin namoyish eta olmasa, klub rahbariyatidan iste’fo so‘rashi mumkinligidan havotirda.

«Ehtimol men juda qattiq gapirishim mumkin, ammo «MYU» muxlislari doirasidagi umumiy kayfiyatni inobatga olsak, Sulsher mavsum oxirigacha o‘z joyida qolsa muvaffaqiyatli bo‘ladi. Shu bilan birga, «Manchester Yunayted» turnir jadvalida iloji boricha yuqori o‘ringa ko‘tarilishi kerak bo‘ladi.

“Mankunianlar” uchun bu vazifani bajarish qiyin bo‘ladi. Har bir muvaffaqiyatsizlikdan so‘ng, tarkibda rotasiya ishlari katta hajmda amalga oshirilayotganiga guvoh bo‘lyapmiz.

Ba’zida odamlar bosh murabbiyni hissiyotlarga berilib almashtirish kerakligi haqida gapirishadi va bir muncha vaqt o‘tgach, ular bu vaziyatdan chiqishning ilojisi yo‘qligini tushunishadi. Umid qilamanki, Sulsher «MYU» tarkibida uzoq muddat bosh murabbiy bo‘lib qoladi», — dedi Dimitar Berbatov.