Yangi mavsumga tayyorgarlik ko‘rayotgan Bekobodning «Metallurg» jamoasi o‘z tarkibini hujumkor yarim himoyachi Ixtiyor Toshpo‘latov bilan to‘ldirdi. O‘tgan mavsum Samarqandning "Dinamo" jamoasida to‘p surgan Toshpo‘latov bekobodliklar bilan kelishuvga erishdi va "Metallurg" yig‘iniga qo‘shildi.
Ma’lumot uchun, Ixtiyor Toshpo‘latov 2019 yilgi mavsumda «Dinamo» safida Superliganing barcha 26 o‘yinida ham maydonga tushib, 4 ta golga mualliflik qilgan.
"Metallurg" oilasiga xush kelibsan, Ixtiyor!
Umid qilamizki, Ixtiyor Toshpo‘latov bekobodliklar tarkibida yorqin o‘yinlari bilan muxlislar ishonchini oqlaydi. Chiroyli gollari, hujumkor o‘yini bilan ishqibozlarimiz qalbini zabt etadi.
Ixtiyor Toshpo‘latov haqida ma’lumot
Ixtiyor Toshpo‘latov 26 yoshda. , 1993 yilning 4 martida tavallud topgan. Katta futboldagi faoliyatini Muborakning "Mash’al" jamoasida 2011 yilda boshlagan. 2016-18 yillarda "So‘g‘diyona", 2019 yilda esa" Dinamo" jamoasida to‘p surgan.
Kuchlilar safida 111 ta uchrashuvda maydonga tushgan Ixtiyor Toshpo‘latov raqiblar darvozasiga 16 ta gol kiritgan.
