Янги мавсумга тайёргарлик кўраётган Бекободнинг «Металлург» жамоаси ўз таркибини ҳужумкор ярим ҳимоячи Ихтиёр Тошпўлатов билан тўлдирди. Ўтган мавсум Самарқанднинг "Динамо" жамоасида тўп сурган Тошпўлатов бекободликлар билан келишувга эришди ва "Металлург" йиғинига қўшилди.
Маълумот учун, Ихтиёр Тошпўлатов 2019 йилги мавсумда «Динамо» сафида Суперлиганинг барча 26 ўйинида ҳам майдонга тушиб, 4 та голга муаллифлик қилган.
"Металлург" оиласига хуш келибсан, Ихтиёр!
Умид қиламизки, Ихтиёр Тошпўлатов бекободликлар таркибида ёрқин ўйинлари билан мухлислар ишончини оқлайди. Чиройли голлари, ҳужумкор ўйини билан ишқибозларимиз қалбини забт этади.
Ихтиёр Тошпўлатов ҳақида маълумот
Ихтиёр Тошпўлатов 26 ёшда. , 1993 йилнинг 4 мартида таваллуд топган. Катта футболдаги фаолиятини Муборакнинг "Машъал" жамоасида 2011 йилда бошлаган. 2016-18 йилларда "Сўғдиёна", 2019 йилда эса" Динамо" жамоасида тўп сурган.
Кучлилар сафида 111 та учрашувда майдонга тушган Ихтиёр Тошпўлатов рақиблар дарвозасига 16 та гол киритган.
