Жозе Моуриньо «Реал» таркибини кучайтиришни мақсад қилган.

Аввалроқ, Мадрид клуби португалиялик мутахассис билан икки йиллик шартнома борасида келишувга эришгани ва «Бенфика»га 3 миллион евро миқдорида товон пули тўлагани ҳақида хабар берилган эди.

Marca нашрининг хабарига кўра, Чемпионлар Лигаси доирасида «Бенфика» ва «Реал» ўртасида бўлиб ўтган учрашувлар Моуриньога мадридликларнинг заиф томонларини аниқлаб олиш имконини берган. Португалиялик мураббийнинг фикрича, жамоада яққол дисбаланс (мувозанатнинг бузилиши) мавжуд — айрим позицияларда футболчилар ҳаддан ташқари кўп, бошқа чизиқларда эса соғлом рақобат етишмаяпти. Шу сабабли, Моуриньо клубга янги ўйинчиларни сотиб олиш, шунингдек, мавжудларини сотиб юбориш жараёнларига шахсан ўзи таъсир ўтказиш ниятида.

Шунингдек, хабарда айтилишича, Моуриньо жамоада юз бераётган барча нарсани назорат қилишни ўта муҳим деб ҳисоблайди. Шу боис у клуб раҳбарияти томонидан тўлиқ қўллаб-қувватланишни ва ўз қарорларини бегоналарнинг аралашувисиз, мустақил равишда қабул қилиш имкониятига эга бўлишни истамоқда.