Каталониянинг «Барселона» клуби ёзги трансфер ойнасида уч нафар футболчиси билан хайрлашиши мумкин. Бу ҳақда инсайдер Маттео Моретто хабар бермоқда.
Журналистнинг маълумотларига кўра, «кўк-анорранглилар» раҳбарияти ҳимоячи Эктор Форт, ярим ҳимоячи Марк Касадо ва ҳужумчи Ферран Торрес бўйича келиб тушадиган таклифларни кўриб чиқишга тайёр. Каталонияликлар эҳтимолий трансферлардан тушадиган маблағ эвазига янги ўйинчиларни сотиб олишни режалаштиришмоқда.
Эслатиб ўтамиз, «Барселона» 2025/2026 йилги мавсумда муддатидан олдин Испания чемпионига айланди. Ханс-Дитер Флик шогирдлари мавсумнинг якуний учрашувини сафарда «Валенсия»га қарши ўтказишади. Баҳс шанба куни, 23 май куни бўлиб ўтади.
