Лондоннинг «Челси» клубида тўп сурувчи англиялик ҳимоячи Жош Ачимпонг Испания Ла Лигасининг топ-клубида фаолиятини давом эттириши мумкин. Football Insider нашри берган маълумотларга кўра, футболчининг янги иш жойи Мадриднинг «Реал» клуби бўлиши кутилмоқда.
Ачимпонгнинг трансферига «қаймоқранглилар» лагерига қайтишга яқин турган португалиялик мутахассис Жозе Моуриньо шахсан қизиқиш билдирмоқда. «The Special One» англиялик футболчини жамоани тарк этаётган Дани Карвахални ўрнига номзод сифатида кўрмоқда.
Transfermarkt портали 20 ёшли латералнинг трансфер баҳосини 25 миллион еврога баҳолаган. Жошнинг «кўклар» билан амалдаги меҳнат шартномаси 2029 йилнинг июнь ойи охиригача мўлжалланган.
