Londonning «Chelsi» klubida to‘p suruvchi angliyalik himoyachi Josh Achimpong Ispaniya La Ligasining top-klubida faoliyatini davom ettirishi mumkin. Football Insider nashri bergan ma’lumotlarga ko‘ra, futbolchining yangi ish joyi Madridning «Real» klubi bo‘lishi kutilmoqda.
Achimpongning transferiga «qaymoqranglilar» lageriga qaytishga yaqin turgan portugaliyalik mutaxassis Joze Mourinyo shaxsan qiziqish bildirmoqda. «The Special One» angliyalik futbolchini jamoani tark etayotgan Dani Karvaxalni o‘rniga nomzod sifatida ko‘rmoqda.
Transfermarkt portali 20 yoshli lateralning transfer bahosini 25 million yevroga baholagan. Joshning «ko‘klar» bilan amaldagi mehnat shartnomasi 2029 yilning iyun oyi oxirigacha mo‘ljallangan.
