«Арсенал» АПЛ чемпионлигини клуб базасида жуда шов-шувли ва қизғин тарзда нишонлади.
Лондонликлар АПЛнинг 37-турида «Ман Сити» «Борнмут» билан ўйинда (1:1) очко йўқотганидан сўнг муддатидан олдин чемпионликни нақд қилишди. «Канонирлар» 22 йил ичида илк бор лига совринини қўлга киритишди.
«Арсенал» футболчилари, мураббийлари ва ходимлари клубнинг «Sobha Realty Training Centre» машғулотлар базасига йиғилишди ва «шаҳарликлар»нинг ўйини якунланиши билан ғалабани жуда қувноқ ва қизғин тарзда нишонлашга киришишди.













