Вингер Маркус Рэшфорд ва қанот ҳимоячиси Жоау Канселу «Барселона»да ижара асосида тўп суришмоқда. Англиялик ва португалиялик футболчилар ўзлари тегишли бўлган «Манчестер Юнайтед» ҳамда «Ал-Ҳилол» клубларига қайтишни хоҳлашмаяпти. Каталония клуби ҳам ҳар икки футболчини ўз сафида сақлаб қолмоқчи, деб хабар бермоқда журналист Серхи Соле.
Жамоа бош мураббийи Ханс-Дитер Флик Маркус ва Жоаунинг кўрсатаётган ўйинларидан жуда ҳайратда, шу сабабли «кўк-анорранглилар» раҳбарияти ушбу футболчилар билан ҳамкорликни давом эттириш учун қўлидан келган барча ишни қилади. Transfermarkt портали 28 ёшли Рэшфорднинг трансфер баҳосини 40 миллион еврога, 31 ёшли Канселунинг нархини эса 9 миллион еврога баҳолаган.
