Vinger Markus Reshford va qanot himoyachisi Joau Kanselu «Barselona»da ijara asosida to‘p surishmoqda. Angliyalik va portugaliyalik futbolchilar o‘zlari tegishli bo‘lgan «Manchester Yunayted» hamda «Al-Hilol» klublariga qaytishni xohlashmayapti. Kataloniya klubi ham har ikki futbolchini o‘z safida saqlab qolmoqchi, deb xabar bermoqda jurnalist Serxi Sole.
Jamoa bosh murabbiyi Xans-Diter Flik Markus va Joauning ko‘rsatayotgan o‘yinlaridan juda hayratda, shu sababli «ko‘k-anorranglilar» rahbariyati ushbu futbolchilar bilan hamkorlikni davom ettirish uchun qo‘lidan kelgan barcha ishni qiladi. Transfermarkt portali 28 yoshli Reshfordning transfer bahosini 40 million yevroga, 31 yoshli Kanseluning narxini esa 9 million yevroga baholagan.
