20 yanvardan "Andijon" yig‘iniga ukrainlaik himoyachi Dmitriy Zozulya kelib qo‘shiladi. Bu haqda klub matbuot xizmati xabar berdi.
Tanishing, Dmitriy Zozulya
Tug‘ilgan sanasi: 09.06.1988 yil;
Ampluasi: Himoyachi;
Fuqaroligi: Ukraina;
Bo‘yi: 188 sm;
Vazni; 79 kg;
So‘nggi o‘ynagan jamoasi: “Kremen” (Ukraina).
Faoliyati davomida “Obolon”, “Knyaja”, “Lvov”, “Volin”, “Bukovina”, “Neftyanik-Ukrneft”, “Guriya” (Gruziya), “Zugdidi” (Gruziya), “Arsenal” (Kiyev) va “Gornyak-Sport” klublarida to‘p surgan.
O‘tgan mavsumda esa Dmitriy Ukraina birinchi ligasida ishtirok etuvchi “Kremen” klubi sharafini himoya qildi. U “Kremen” klubi tarkibida 2019/2020 yilgi mavsumda 16 ta uchrashuvda (hozirgi kunga kelib 19-tur o‘yinlari davom etmoqda) maydonga tushib, 1373 daqiqa harakat qildi va raqiblar darvozasini 4 marotaba ishg‘ol etishga erishdi.
Qiziqarli jihati shundaki, u 2018/2019 yilgi mavsumlarda “Gornyak-Sport” klubi tarkibida Vitaliy Mirniy bilan birga to‘p surgan.
Dmitriy Zozulya 20 yanvar kuni yurtimizga yetib keladi va “Farg‘ona viloyati hokimi Kubogi” musobaqasidagi o‘yinlarda maydonga tushishi rejalashtirilgan.
