Rossiyaning «Rostov» klubi hujumchisi Eldor Shomurodov jamoa bilan shartnomani uzaytirdi. Bu haqda klub rasmiy sayti xabar tarqatdi.
Yangi shartnomaga ko‘ra, o‘zbekistonlik futbolchi navbatdagi 5 yilni Rossiya chempionatida o‘tkazishi ko‘zda tutilgan.
«Rostov», Shomurodovdan tashqari Matias Normann va Danil Glebov ham 5 yilga mo‘ljallangan yangi shartnoma imzoladi.
E’tiborli tomoni, 2019 yilning yozida Eldor o‘z klubi bilan 5 yilga mo‘ljallangan yangi shartnoma imzolagan edi. Oradan yarim yil o‘tib, tomonlar shartnomani yangilashdi. Yangi shartnomada Shomurodovning maoshi oshirilgan bo‘lishi mumkin.
Eslatib o‘tamiz, O‘zbekiston terma jamoasi hujumchisi 2017 yildan beri Rossiya chempionatida faoliyat yuritib kelmoqda.