Madridning «Real» klubi darvozaboni Tibo Kurtua «Valyadolid» (1:0) klubi ustidan qo‘lga kiritilgan g‘alabadan keyingi fikrlari bilan o‘rtoqlashdi.

«Hali mavsum uzoq, shu sababli, hali turnir jadvalida tushish va ko‘tarilishlar bo‘ladi. Biz hozir yaxshi sharoitdamiz. Aynan «Valyadolid» klublariga o‘xshagan klublarga qarshi o‘yinlarda medallar taqdiri hal bo‘ladi. Chempionlikni qo‘lga kiritish maqsadimiz bor. Ammo, yanvar oyida chempionlik haqida o‘ylamagan ma’qul.

Oldimizda «Atletiko» klubiga qarshi qiyin o‘yin kutib turibdi va Diyego Simeonening jamoasini yaxshi bilamiz. Uning jamoasi ushbu o‘yinga jiddiy tayyorgarlik ko‘radi.

Azar asta sekin o‘z holatini tiklab bormoqda, ammo u noyabr oyidan beri rasmiy o‘yinlarda ishtirok etmadi», — dedi Tibo Kurtua.