Мадриднинг «Реал» клуби дарвозабони Тибо Куртуа «Вальядолид» (1:0) клуби устидан қўлга киритилган ғалабадан кейинги фикрлари билан ўртоқлашди.
«Ҳали мавсум узоқ, шу сабабли, ҳали турнир жадвалида тушиш ва кўтарилишлар бўлади. Биз ҳозир яхши шароитдамиз. Айнан «Вальядолид» клубларига ўхшаган клубларга қарши ўйинларда медаллар тақдири ҳал бўлади. Чемпионликни қўлга киритиш мақсадимиз бор. Аммо, январь ойида чемпионлик ҳақида ўйламаган маъқул.
Олдимизда «Атлетико» клубига қарши қийин ўйин кутиб турибди ва Диего Симеоненинг жамоасини яхши биламиз. Унинг жамоаси ушбу ўйинга жиддий тайёргарлик кўради.
Азар аста секин ўз ҳолатини тиклаб бормоқда, аммо у ноябрь ойидан бери расмий ўйинларда иштирок этмади», — деди Тибо Куртуа.