«Реал Мадрид» скаутлик хизматлари «Штутгарт» сафида ўзининг энг яхши жиҳатларини намойиш этаётган германиялик ярим ҳимоячи Анжело Штиллернинг ривожланишини диққат билан кузатишда давом этмоқда.

Bernabéu Digital нашрининг хабар беришича, «қаймоқранглилар» ёзги трансфер ойнаси вақтида айнан ушбу футболчи билан ярим ҳимоя чизиғини кучайтиришни истамоқда. Ҳозирги вақтда ўйинчининг 2028 йилнинг июнь ойигача амал қилувчи шартномаси бор. Бундан ташқари, мадридликлар Штиллерни анчадан бери кузатиб келаётган АПЛнинг бир нечта клублари томонидан бўладиган рақобатни ҳам енгиб ўтишларига тўғри келади.

Жорий мавсумда таянч зонасида ҳаракат қилувчи 22 ёшли футболчи 35 та ўйинда майдонга тушиб, 1 та гол урди ва 9 та голли узатмани амалга оширди, шунингдек, 3 та огоҳлантириш олди. Transfermarkt талқинига кўра, унинг нархи 45 миллион еврони ташкил этади.