«Барселона» яна Ла Лига турнир жадвалида пешқадамликни қўлга олди.
Ўтган турда етакчиликни бой берган каталонияликлар «Реал»нинг «Осасуна»дан учраган мағлубиятидан (1:2) унумли фойдаланишди. 25-турда Ханси Флик шогирдлари «Леванте»ни мағлуб этди (3:0) ва ҳозирда уларнинг ҳисобида 61 очко бор. Мадридликлар эса бир очкога ортда қолмоқда.
Кучли учликни «Вильярреал» якунлаб турибди — уларда 48 очко бор ва улар ўз ўйинини бугун оқшом кечроқ ўтказишади. Тўртинчи ўриндаги «Атлетико» ҳисобида ҳам худди шунча (48) очко мавжуд.
Ла Лига юқори поғоналари:
| Ўрин | Жамоа | Очко |
| 1 | Барселона | 61 |
| 2 | Реал Мадрид | 60 |
| 3 | Вильярреал | 48* |
| 4 | Атлетико | 48 |
* — захирасида ўйини бор.
