«Реал» ярим ҳимоячиси Дани Себальос жароҳати сабабли бир нечта ўйинни ўтказиб юбориши мумкин.
29 ёшли футболчи «Осасуна»га қарши баҳснинг (1:2) 82-дақиқасида захирадан майдонга тушган эди, бироқ 90-дақиқада унинг хатоси гол билан якунланди.
«Реал» тиббий хизмати томонидан Дани Себальосда ўтказилган бугунги текширувлар натижасида футболчининг ўнг оёқ болдир мушагидан жароҳат олгани аниқланди. Биз унинг тикланиш жараёнини кузатиб борамиз», — дейилади Мадрид клуби баёнотида.
"As" нашрининг маълумотларига кўра, Себальос ушбу жароҳат сабабли бир неча ҳафта майдонга туша олмаслиги мумкин.
