Каталониянинг «Барселона» клуби Испания чемпионати турнир жадвалида пешқадамликни ўз қўлига қайтариб олди — каталониялик суперклуб «Леванте»ни 3:0 ҳисобида мағлуб этди. «Барса» устози Ханси Флик ўйин якунлари ҳақида тўхталар экан, жамоаси аввалги баҳслардаги муваффақиятсизликларга муносиб жавоб қайтара олганини таъкидлади.

«Иккита мағлубиятдан сўнг руҳий жиҳатдан ғалаба қозониш қийинлашади, бироқ жамоа барча саволларга жуда яхши жавоб қайтарди. Энди дам олишимиз ва жуда қийин кечиши кутилаётган навбатдаги ўйинга бор эътиборимизни қаратишимиз керак», — дея Фликнинг сўзларидан иқтибос келтиради клуб расмий сайти.

Эслатиб ўтамиз, «Барселона» Испаниянинг амалдаги чемпиони ҳисобланади.