«Barselona» Madridning «Real» klubi yo‘l qo‘ygan xatodan unumli foydalanib, La Liga turnir jadvalida yana peshqadamga aylandi.

«Ko‘k-anorranglilar» yakshanba kuni o‘z maydonlarida «Levante»ni mag‘lub etishdi (3:0), bir kun avval esa «qaymoqranglilar» «Osasuna»dan mag‘lubiyatga uchragan edi (1:2).

Hans-Diter Flik jamoasi «Real»ni bir ochkoga ortda qoldirgan holda yana chempionatda peshqadamlik qilmoqda. «Opta» superkompyuterining hisob-kitoblariga ko‘ra, ayni damda «Barselona»ning chempionlik ehtimoli 59,46 foizni tashkil etmoqda, madridliklarning imkoniyatlari esa 40,35 foizga baholanmoqda. Qolgan barcha jamoalar, jumladan, «Atletiko» ham 25 turdan so‘ng chempionlik uchun kurashish imkoniyatini deyarli yo‘qotgan.