«Inter» bilan shartnoma imzolagan Kristian Eriksen o‘z fikrlari bilan o‘rtoqlashib o‘tdi.

«Klub safidagi mashg‘ulotlarga kirishishni intizorlik bilan kutyapman. «Inter» a’zosiga aylanganimdan xursandman. Kayfiyatim yuqori va muxlislar bilan uchrashishni intizorlik bilan kutyapman. Ular meni iliq qabul qilishdi. Bu fantastika edi. O‘zimni juda yaxshi his qilyapman.

Men statistikaga katta ahamiyat qaratmayman. Ammo bu haqida gapirishni yaxshi ko‘radigan insonlar borligini bilaman. Statistikaga ko‘ra, men Angliyada haqiqatan ham yaxshi o‘ynadim. Yangi sinovni qabul qiladigan payt keldi, A seriyadagi katta klub safida o‘ynash imkoniyatiga ega bo‘lganimdan xursandman. «Inter» – fantastik klub.

Men Konteni «Tottenxem»dagi faoliyatim orqali yaxshi bilaman. «Chelsi»ga qarshi o‘yinlarimiz juda qiyin bo‘lgan edi. Murabbiyni yaxshiroq bilib olishga, uning o‘yin uslubini tushunib olishga harakat qilaman», – dedi Eriksen.