Kamerunlik hujumchi Samuel Eto’O  Rossiyaning «Izvestiya» gazetasiga mahachqal’aning “Anji” klubi davrini eslab intervyu berdi.

Kamerunlik hujumchi “Anji” tarkibida 2011 yildan 2013 yilgacha to‘p surgan.

Eto’Oning so‘zlariga ko‘ra, u “Anji” klubiga o‘tayotganida klub rahbariyati uni klubning oldinda turgan 10 yillik rejalari bilan tanishtirgandi.

«Reja bo‘yicha mahalliy futbolchilar legioner futbolchilardan o‘rnak olib, keyinchalik jamoaning muhim futbolchilariga aylanishlari kerak edi.«Anji» “PSJ”ni yo‘lidan borib, YECHL uchun kurash olib boradigandek tuyulgandi...», — dedi futbolchi.

U Suleyman Kerimovning ketishi klubni vayron qilganini aytib o‘tdi. «Klub professional maqomini yo‘qotmasligiga ishongan edim.Dog‘istonlik muxlislar bunga loyiq emasdilar», — dedi Eto’O.

«Ba’zan unchalik kuchli raqib bilan o‘ynamasakda, stadionda ajoyib muhit hosil bo‘lardi», — dedi u.

U shuningdek, Dog‘iston aholisi futbol bilan yashaganini, “Anji” mahalliy muxlislarga har hafta bayram ulashganini alohida aytib o‘tdi.