Камерунлик ҳужумчи Самуэль Это’О  Россиянинг «Известия» газетасига маҳачқалъанинг “Анжи” клуби даврини эслаб интервью берди.

Камерунлик ҳужумчи “Анжи” таркибида 2011 йилдан 2013 йилгача тўп сурган.

Это’Онинг сўзларига кўра, у “Анжи” клубига ўтаётганида клуб раҳбарияти уни клубнинг олдинда турган 10 йиллик режалари билан таништирганди.

«Режа бўйича маҳаллий футболчилар легионер футболчилардан ўрнак олиб, кейинчалик жамоанинг муҳим футболчиларига айланишлари керак эди.«Анжи» “ПСЖ”ни йўлидан бориб, ЕЧЛ учун кураш олиб борадигандек туюлганди...», — деди футболчи.

У Сулейман Керимовнинг кетиши клубни вайрон қилганини айтиб ўтди. «Клуб профессионал мақомини йўқотмаслигига ишонган эдим.Доғистонлик мухлислар бунга лойиқ эмасдилар», — деди Это’О.

«Баъзан унчалик кучли рақиб билан ўйнамасакда, стадионда ажойиб муҳит ҳосил бўларди», — деди у.

У шунингдек, Доғистон аҳолиси футбол билан яшаганини, “Анжи” маҳаллий мухлисларга ҳар ҳафта байрам улашганини алоҳида айтиб ўтди.