Элит Осиё Чемпионлар лигасида ярим финал босқичи ўз якунига етди.
Турнирнинг иккинчи ярим финал баҳсида Япониянинг «Мачида Зельвия» клуби БАА вакили «Шабаб Ал Аҳли»га қарши майдонга тушди. Учрашувда тақдирини ягона гол ҳал қилди.
Ўйиннинг 12-дақиқасида Сома томонидан киритилган гол япон клубига минимал ҳисобдаги ғалабани тақдим этди — 1:0.
Японияликлар 25 апрел куни бўлиб ўтадиган финал баҳсида амалдаги чемпион — Саудия Арабистонининг «Ал-Аҳли» жамоаси билан куч синашади.













