Вигонинг «Сельта» клуби бош мураббийи Клаудио Хиральдес Ла Лиганинг навбатдаги тури доирасида «Камп Ноу»да кечадиган баҳс олдидан ўз мақсадлари билан ўртоқлашди. Мураббий мадридликларнинг («Реал») таъқибидан илгарилаб кетаётган «Барселона»ни тўхтатиш ниятида.
«Умид қиламанки, «Камп Ноу»даги ўйиндан кейин лигани бироз «қиздира» оламиз. Биз «Барселона»ни мағлуб этиб, Ла Лигага интригани қайтаришни хоҳлаймиз», — деди Хиральдес.
Эслатиб ўтамиз, айни дамда Ханси Флик бошқарувидаги «Барселона» турнир жадвалида 9 очколик фарқ билан пешқадамлик қилмоқда.
