“Tottenxem” klubi bosh murabbiyi Joze Mourinyo o‘z uslubida “Liverpul” murabbiyi Yurgen Kloppning Angliya Kubogidagi qaroriga munosabatini bildirdi.
Ma’lumot uchun, Klopp Kubok o‘yinida 3-tarkibni maydonga tushirgan edi. Mourinyoning fikriga ko‘ra, bunday qarorlar Kubokning obro‘siga ta’sir o‘tkazishi mumkin.
“Klopp xohlaganini qilmoqda. Ular qoidalardan foydalanmoqda. Men o‘ynashni xohlayman, Klopp esa – Klopp. Biz oxirigacha ko‘rashamiz”, -deydi murabbiy Football.London nashriga bergan intervyusida.
Eslatib o‘tamiz, “Tottenxem” bugun 4-roundan o‘rin olgan bahsda “Sautgempton” bilan o‘ynaydi. Ilk uchrashuvda jamoalar 1:1 hisobida durang o‘ynagan edi.
