Toshkentning "Paxtakor" klubining Chempionlar ligasining 1-turidagi raqibi bilan yaqindan tanishtirib o‘tamiz.
"Al Ahli" klubi Dubayda 1958 yil tashkil qilingan. 1970-yillarda uch marta mamlakat chempioniga aylangan "Ahli" navbatdagi katta g‘alabalarini uzoq yillar kutgan va 2006 yilda buni uddalagan. Oxirgi yillarda ushbu klub BAAning eng kuchli jamoalaridan biriga aylandi. Umumiy hisobda "Ahli" hisobida BAAdagi musobaqalarda qo‘lga kiritilgan 24 sovrin mavjud. So‘nggi bor 2016 yil jamoa chempionlikni qo‘lga kiritgan. O‘tgan mavsum chempionatda 2-o‘rinni egallagan "Shabab Al Ahli" ushbu mavsumda ishonch bilan peshqadamlik qilmoqda va oltin medallarni qo‘lga kiritish uchun juda yaxshi imkoniyatga ega bo‘lib turibdi.
2017 yil Dubay sharafini uch klub - "Ahli", "Shabab" va "Dubay" klublarining birlashuvi sababli "Shabab Al Ahli" jamoasi tashkil topgan. Jamoani 2018 yildan buyon argentinalik Rodolfo Arruabarrena boshqarib kelmoqda. Murabbiy sifatida u "Boka Xuniors" bilan 2015 yil Argentina chempionligini qo‘lga kiritgan. Shuningdek, "Rayyan" bilan Qatarda va "Shabab Al Ahli" bilan BAAda kubok bahslarida zafar quchgan.
To‘liq nomi: "Shabab Al Ahli Dubay"
Laqabi: "Qizil risarlar"
Tashkil etilgan yili: 1962
Stadioni: "Rashid", 10000 o‘rindiqli
Bosh murabbiyi: Rodolfo Arruabarrena (Argentina).
Sovrinlari: 7 karra BAA chempioni (1974–75, 1975–76, 1979–80, 2005–06, 2008–09, 2013–14, 2015–16), 9 marta BAA Prezidenti Kubogi sohibi (1974–75, 1976–77, 1977–78, 1995–96, 2001–02, 2003–04, 2007–08, 2012–13, 2018–19), 4 bor BAA Liga Kubogi (2011–12, 2013–14, 2016–17, 2018–19), 4 marta BAA Superkubogi sohibi (2009, 2013, 2014, 2016).
"Shabab Al Ahli"ning OCHL uchun ro‘yxati
Darvozabonlar
1. Jamol Ismoil
17. Hassan Hamza
55. Majid Nosir
Himoyachilar
2. Salmin Hamis
4. Muhammad Marzuq
5. Volid Abbos
9. Abdulaziz Haykal
13. Muhammad Sebil
18. Muhammad Ismoil
20. Yusuf Jaber
21. Muhammad Jaber
33. Xalifa Muborak
37. Ahmad Abdulloh
Yarim himoyachilar
6. Aziz G‘aniyev (O‘zbekiston)
7. Ismoil Al Hammadi
8. Volid Hussayn
15. Abdulla Naqbi
26. Hassan Ibrohim
30. Muhammad Juma
42. Leonardo (Braziliya)
78. Eyd Xamis
88. Majid Hassan
99. Federiko Kartabia (Argentina)
Hujumchilar
10. Pedro Konde (Ispaniya)
11. Ahmad Halil
34. Harib Abdulloh
