Germaniyada birinchi marta stadionda pirotexnika vositalariga rasmiy ravishda ruxsat berildi. Bungacha klublarga million yevro jarima solingan edi.
“Gamburg” Bundesligaga qaytishga harakat qilmoqda. “Karlsrue” ustidan qozonilgan g‘alaba nafaqat “Gamburg”ni birinchi pog‘onaga olib chiqqanligi uchun muhim bo‘ldi (garchi vaziyat “Arminiya” bilan bo‘ladigan uchrashuvda o‘zgarishi mumkin). Ushbu bahsda Germaniya futbol ittifoqi birinchi marta muxlislarga pirotexnika vositalaridan foydalanishga ruxsat berdi.
Gamburglik muxlislarga maydonga kirish paytida o‘nta tutunli bomba yoqishga ruxsat berildi. Uchrashuv oldidan maxsus komissiya ushbu bo‘laklarni baholab, ulardan foydalanishga ruxsat berdi (barchasi hujjatlashtirilgan). Piro-shou paytida qutqaruv guruhlari, o‘t o‘chiruvchilar va polisiyachilar Gamburgdagi fan stendi yonida navbatchilik qilishgan.
Por primera vez en la historia, la DFB (Federación alemana de fútbol), permite a los ultras del Hamburgo usar pirotecnia legal en el estadio.
— Troublemakers España (@TroublemakersEs) February 8, 2020
Imágenes de hoy en el partido HSV - Karlsruhe SC.
Un gran paso, ojalá se vea pronto aquí. pic.twitter.com/z4TmjotMbM
Nemis futbolidagi pirotexnika juda jiddiy mavzu. 2010 yildan beri Germaniya futbol ittifoqining yig‘ilishlarida pirotexnika vositalaridan stadionlarda foydalanishga rasmiy ravishda ruxsat berish tashabbusi muntazam muhokama qilinmoqda. Ammo har safar bunga qarshi chiqqan amaldorlar bor edi.
Pirotexnika vositalaridan foydalanishga rasmiy ruxsat berish g‘oyasi, hatto muxlislarning xatti-harakati uchun doimiy ravishda jarimaga tortiladigan klublar tomonidan qo‘llab-quvvatlandi. O‘tgan mavsumning o‘zida Bundesliga klublari Germaniya chempionati o‘yinlari davomida pirotexnika vositalaridan foydalanayotgan muxlislar uchun million yevrodan ko‘proq pul to‘lagan.
“Gamburg”ning o‘ziga kelsak, uning rahbariyati o‘tgan mavsum natijalariga ko‘ra uy o‘yinlarida pirotexnika tufayli 294 ming yevroga chek yozdi. Qizig‘i shundaki, "Gamburg" xo‘jayinlari "Sent-Pauli"ga qarshi bitta uy derbisidan keyin 150 ming yevro to‘lashgan.
