Германияда биринчи марта стадионда пиротехника воситаларига расмий равишда рухсат берилди. Бунгача клубларга миллион евро жарима солинган эди.
“Гамбург” Бундеслигага қайтишга ҳаракат қилмоқда. “Карлсруэ” устидан қозонилган ғалаба нафақат “Гамбург”ни биринчи поғонага олиб чиққанлиги учун муҳим бўлди (гарчи вазият “Арминия” билан бўладиган учрашувда ўзгариши мумкин). Ушбу баҳсда Германия футбол иттифоқи биринчи марта мухлисларга пиротехника воситаларидан фойдаланишга рухсат берди.
Гамбурглик мухлисларга майдонга кириш пайтида ўнта тутунли бомба ёқишга рухсат берилди. Учрашув олдидан махсус комиссия ушбу бўлакларни баҳолаб, улардан фойдаланишга рухсат берди (барчаси ҳужжатлаштирилган). Пиро-шоу пайтида қутқарув гуруҳлари, ўт ўчирувчилар ва полициячилар Гамбургдаги фан стенди ёнида навбатчилик қилишган.
Por primera vez en la historia, la DFB (Federación alemana de fútbol), permite a los ultras del Hamburgo usar pirotecnia legal en el estadio.
— Troublemakers España (@TroublemakersEs) February 8, 2020
Imágenes de hoy en el partido HSV - Karlsruhe SC.
Un gran paso, ojalá se vea pronto aquí. pic.twitter.com/z4TmjotMbM
Немис футболидаги пиротехника жуда жиддий мавзу. 2010 йилдан бери Германия футбол иттифоқининг йиғилишларида пиротехника воситаларидан стадионларда фойдаланишга расмий равишда рухсат бериш ташаббуси мунтазам муҳокама қилинмоқда. Аммо ҳар сафар бунга қарши чиққан амалдорлар бор эди.
Пиротехника воситаларидан фойдаланишга расмий рухсат бериш ғояси, ҳатто мухлисларнинг хатти-ҳаракати учун доимий равишда жаримага тортиладиган клублар томонидан қўллаб-қувватланди. Ўтган мавсумнинг ўзида Бундеслига клублари Германия чемпионати ўйинлари давомида пиротехника воситаларидан фойдаланаётган мухлислар учун миллион евродан кўпроқ пул тўлаган.
“Гамбург”нинг ўзига келсак, унинг раҳбарияти ўтган мавсум натижаларига кўра уй ўйинларида пиротехника туфайли 294 минг еврога чек ёзди. Қизиғи шундаки, "Гамбург" хўжайинлари "Сент-Паули"га қарши битта уй дербисидан кейин 150 минг евро тўлашган.
