Madridning «Real» va Braziliya terma jamoasi sobiq yarim himoyachisi Kaka «Barselona» klubi hujumchisi Lionel Messi «Manchester Siti» klubi bilan shartnoma imzolashi mumkinligi haqidagi xabarlarga munosabat bildirdi.
— O‘zingiz bilmagan narsaga chetdan turib munosabat bildirish qiyin. Messi “Barseona”ni tark etadimi yoki yo‘qmi, buni bilmayman. Men uni boshqa ligada tasavvur qila olaman. Unga APL yoki boshqa top-ligalarda to‘p surish muammo bo‘lmaydi.
Gap bu yerda u faoliyatini qayerda davom ettirishida. Uning boshqa chempionatda to‘p surishini ko‘rish qiyin, lekin u «Menda hammasi joyida, joyimni o‘zgartirishim kerak edi, men yanada tajriba ortirmoqchiman. Men boshqa jamoaning va dunyoning eng yaxshi futbolchisi bo‘lmoqchiman» deyishi mumkin, — dedi Kaka.
