Мадриднинг «Реал» ва Бразилия терма жамоаси собиқ ярим ҳимоячиси Кака «Барселона» клуби ҳужумчиси Лионель Месси «Манчестер Сити» клуби билан шартнома имзолаши мумкинлиги ҳақидаги хабарларга муносабат билдирди.
— Ўзингиз билмаган нарсага четдан туриб муносабат билдириш қийин. Месси “Барсеона”ни тарк этадими ёки йўқми, буни билмайман. Мен уни бошқа лигада тасаввур қила оламан. Унга АПЛ ёки бошқа топ-лигаларда тўп суриш муаммо бўлмайди.
Гап бу ерда у фаолиятини қаерда давом эттиришида. Унинг бошқа чемпионатда тўп суришини кўриш қийин, лекин у «Менда ҳаммаси жойида, жойимни ўзгартиришим керак эди, мен янада тажриба ортирмоқчиман. Мен бошқа жамоанинг ва дунёнинг энг яхши футболчиси бўлмоқчиман» дейиши мумкин, — деди Кака.
