“Paxtakor” va BAAning “Shabab Al-Ahli” jamoalari o‘rtasidagi o‘yining eng yaxshi futbolchisi va birinchi gol muallifi Jaloliddin Masharipov o‘yin haqidagi fikrlari bilan o‘rtoqlashdi.
Bugungi g‘alaba jamoamiz uchun juda muhim edi. O‘tgan mavsumda uyimizda barcha uchrashuvlarda g‘alaba qozonmaganimiz uchun ham guruhda qolib ketganimizni yaxshi his etib turgan edik.
Bu uchrashuvda nima qilib bo‘lsada g‘alaba qozonishimiz shart edi. Aynan shu g‘alaba guruhdan chiqishimi uchun katta imkoniyat eshiklarini ochadi. Bu mavsumda Toshkentda bo‘ladigan o‘yinlarning barchasida g‘alaba qozonishni oldimizga maqsad qilib qo‘yganmiz. Ayni damda,yigitlarning kayfiyati a’lo darajada. Ayniqsa, o‘yinda burilish yasay olganimizdan barcha xursand. Bu g‘alaba bizga nafaqat 3 ochko, balki o‘z kuchimizga bo‘lgan ishonchni ham taqdim etdi. Shu o‘rinda bizni noqulay ob-havoga qaramay qo‘llab-quvvatlab turgan muxlislarga minaddorchiligimni bildirib o‘tmoqchiman.
