“Пахтакор” ва БААнинг “Шабаб Ал-Аҳли” жамоалари ўртасидаги ўйининг энг яхши футболчиси ва биринчи гол муаллифи Жалолиддин Машарипов ўйин ҳақидаги фикрлари билан ўртоқлашди.
Бугунги ғалаба жамоамиз учун жуда муҳим эди. Ўтган мавсумда уйимизда барча учрашувларда ғалаба қозонмаганимиз учун ҳам гуруҳда қолиб кетганимизни яхши ҳис этиб турган эдик.
Бу учрашувда нима қилиб бўлсада ғалаба қозонишимиз шарт эди. Айнан шу ғалаба гуруҳдан чиқишими учун катта имконият эшикларини очади. Бу мавсумда Тошкентда бўладиган ўйинларнинг барчасида ғалаба қозонишни олдимизга мақсад қилиб қўйганмиз. Айни дамда,йигитларнинг кайфияти аъло даражада. Айниқса, ўйинда бурилиш ясай олганимиздан барча хурсанд. Бу ғалаба бизга нафақат 3 очко, балки ўз кучимизга бўлган ишончни ҳам тақдим этди. Шу ўринда бизни ноқулай об-ҳавога қарамай қўллаб-қувватлаб турган мухлисларга минаддорчилигимни билдириб ўтмоқчиман.
