Ushbu ruknimizdagi eng so‘nggi yangiliklar bilan tanishtirishda davom etamiz.
Zaza Rossiyaga yo‘l olishi mumkin
Fedor Smolovni sotib yuborgan Rossiyaning “Lokomotiv” jamoasi yangi hujumchi izlashda davom etmoqda. “Sport Mediast” nashrining ma’lum qilishicha, “temiryo‘lchilar” nishonida Italiyaning “Torino” klubi futbolchisi Simone Zaza turibdi.
Hujumchining o‘zi ham boshqa jamoaga o‘tish haqida bosh qotirmoqda. Gap shundaki, ayni damda “buqalar” Zazaga yetarlicha o‘yin amaliyotini taqdim etishmayapti.Nashrning bergan ma’lumotiga ko‘ra, ruslar “Torino” bilan hujumchining transfer summasini kelishib olishsa bo‘lgani.
Eslatib o‘tamiz, ayni damda Zazaning trasnfermarket portalidagi narxi 8 million yevroni tashkil etmoqda.
“Manchester Yunayted” Pogbani sotmoqchi
“Angliyaning “Manchester Yunayted” jamoasi yozda o‘z yetkachisi Pol Pogbani sotishga tayyor ekanligini ma’lum qildi. Eng qizig‘I shundaki, “qizil iblilslar” fransiyalik yarim himoyachi uchun 148 million funt sterling talab qilshmoqda.
Ayni damda, Pogba uchun kurashga kirishgan “Real Madrid” va “Yuventus” jamoalari bu summani to‘lashga qodir emasligi aniq”,- deb xabar bermoqda “Daily Exspress” nashri.
Eslatib o‘tamiz, Pogba bugungi kunda jarohatlar sababli jamoaning asosiy tarkibdagi o‘rnini tobora boy berib qo‘ymoqda. Agar yozda uni hech kim xarid qilmasa, jamoadan ketish uchun shartnomaning tugashini kutishga to‘g‘ri keladi.
“Yuventus” Remzi borasida qaror qabul qildi
Turinning “Yuventus” jamoasi yarim himoyachisi Aaron Remzi yozda jamoani tark etmoqchi bo‘layotganidan xabaringiz bor. “Tuttosport” nashrining ma’lum qilishicha, turin super klubi uyelslik futbolchining ketishiga qarshi emas, biroq uni qo‘lga kiritishni istagan klublar 30 million yevro to‘lashi kerakligini ma’lum qilgan.
Shu yo‘sinda, “zebra”lar futbolchining transferidan yaxshigina foyda bilan chiqishni rejalashtirmoqda. Ayni damda, futbolchi borasida Angiliyaning bir nechta klublari va PSJddan takliflar kelib tushgan.
Eslatib o‘tamiz, Aron Remzi mavsum boshida “Yuventus” safiga erkin agent maqomida kelib qo‘shilgan edi.
Nigeriyalik yangi yulduz
«Vilyarreal» jamoasi hujumchisi Samuel Chukvueze bir yo‘la 3 ta APL grandlari nishonida turibdi. “Bild” nashrining ma’lum qilishicha, 2- yoshli futbolchi uchun yozda “Livrerpul”, “Chelsi” va “Manchester Siti” jamoalari kurishga kirishadi.
Aslida, hujumchi qishdayoq boshqa jamoaga o‘tishi tahmin qilingan edi, biroq “sariq suvosti kemasi” mavsum o‘rtasida uni qo‘yib yuborishni istamadi. Ayni damda iqtidorli hujumchini transfermarket portlai 30 million yevroga baholamoqda. Shunday bo‘lsada, ispanlar hujumchini 50 milliondan kamiga qo‘yib yubormasliklari aniq.
Koutinyoga da’vogarlar soni ortmoqda
Ayni damda ijara asosida “Bavariya”da to‘p surayotgan Koutinyoga xaridorlar ortib bormoqda. Futbolchining o‘zi Myunhenda qolishni istayotgan bo‘lsada, “Bavariya” uning transferini sotib olishdan bosh tortmoqda.
"AS” nashrining ma’lum qilishicha, braziliyalik futbolchi uchun yozda Angliyaning bir yo‘la ikkita klubi kurash olib boradi. Manbaning ma’lum qilishicha, Filippe “Manchester Yunayted” va “Chelsi” jamoalari nishonida turibdi. Jamoalar futbolchi uchun “Barselona” talab qilayotgan 80-90 million yevroni to‘lashga tayyor ekanligini ma’lum qilgan.
Eslatib o‘tamiz, Koutinyo bilan Turinning “Yuventus” jamoasi ham jiddiy qiziqib qolgan.
