Myunxenning «Bavariya» klubi markaziy himoyachisi Jerom Boateng terma jamoaga qaytish imkoniyati haqida gapirdi.
«O‘ylaymanki, terma jamoaning o‘yin rejasi butun Germaniyaga ayon bo‘ldi. U Yevropa chempionatiga yangilangan tarkibni olib ketishini ochiqchasiga aytdi. Biz Yoaxim Levning pozisiyasini tushunishimiz kerak. U hurmatga loyiq mehnat qilmoqda.
Biroq, unutmaslik kerak– futbol o‘zgaruvchan narsa. Bu yerda hamma narsa chaqmoq tezligida o‘zgarishi mumkin. Hech qachon oldindan biror narsani bilib bo‘lmaydi. Terma jamoaga qaytish uchun ozgina imkoniyatim bor ekan, bu imkoniyatga ikki qo‘lim bilan yopishib olaman», — dedi Jerom Boateng.
