“Manchester Siti” jamoasining so‘nggi 10 yillikdagi eng yaxshi futbolchilaridan biri Serhio Aguyero klub rasmiy sayti uchun qiziqarli intervyu berdi. Ushbu intervyuda futbolchi klub saytiga muxlislari tomonidan kelib tushgan savollarga javob berib o‘tdi.

- Bayramlar chog‘ida qayerda bo‘lishni istaysan?

- Ochig‘I, biz doimmo bayramlarni Bagam orollarida kutib olishga harakat qilamiz.

- “Manchester Siti”dagi faoliyatingni bir so‘z bilan ta’rifla

- Bu juda qiyin. Bor yo‘gi bir so‘z bilan buni ta’riflashning iloji yo‘q. Shunday bo‘lsada, bunga urinib ko‘raman. Men uchun “shaxarliklar” safidagi faoliyatim baxt olib keldi. Men Baxt so‘zini tanlayman.

- Jarohatdan forig‘ bo‘lish bilan oyning eng yaxshi futbolchisi bo‘lish qanchalar yoqimli?

- Ochig‘i oyning eng yaxshi futbolchisi deb e’tirof etilish doimo yoqimli holat. Bu sovrinni yana bir bor qo‘lga kiritganimdan juda baxtliman. Ayniqsa, jarohatdan so‘ng qo‘lga kiritilgan sovrin ikki xissa yoqimli. Yanvar men uchun yaxshi oy bo‘ldi.

- Sen futbolch bo‘lishni istaydigan futbolchlarga qanday maslahat bergan bo‘larding?

- Birinchi navbatda birorta mashg‘ulotlarni o‘tkazib yubormaslik kerak. Shuningdek, o‘yinlar va turli mashqlardan lazzat olishni o‘rganish kerak. Bu men berishim mumkin bo‘lgan yagona va eng muhim maslahat. Agar professional darajada o‘ynashni istasangiz, mashg‘ulotlar chog‘ida to‘liq kuch va e’tibor bilan harakat qilish kerak.

-Muxlislarning bilan hech yoqimsiz holat kuzatilganmi?

- Ochig‘i, ko‘chadagi “ahmoq”larning barchasidan uzoqroq yurishga harakat qilaman. Shuning uchun hech qanday yoqimsiz holatga tushib qolmagan bo‘lsam kerak.

Shunday bo‘lsada, muxlisalrim meni ko‘rishlari bilan shok holatiga tushib qolishini hush ko‘rmayman. Ular men bilan uchrashganida sokin va yoqimli suhbat qurishlarini istayman. Menga suratga tushishdan ko‘ra, ular bilan ikki og‘iz so‘zlashish ko‘proq yoqadi.

- Diyetada bo‘lmagan chog‘ingda nima iste’mol qilishni hush ko‘rsan?

- Go‘shtni juda yaxshi ko‘raman. Shunday bo‘lsada, bu mahsulotni iloji boricha kamroq iste’mol qilishga urunaman. Agar diyetada bo‘lmasam, albatta bizning uyimizda oqsillarga boy ta’om qilinadi.

- Jamoadagi eng quvnoq futbolchi kim?

- Klubda bir nechta quvnoq yigitlar bor. Shuga qaramay, men Kayl Uoker va Jon Stounslarni alohida qayd etgan bo‘lar edim.

- Agar futbolchi bo‘lmaganinda, qaysi kasbni tanlagan bo‘lar eding?

Bu savolga hech qachon javob izlamagan ekanman. Qasyi kasbni tanashlashim noma’lum bo‘lsada, o‘z ishimga juda talabchan shaxs bo‘lishim aniq edi.