Fransiyaning “PSJ” klubi hujumchisi Neymar yana klub rahbariyati bilan munosabatiga sovuqchilik tushirib oldi deya xabar bermoqda AS.

Manbaning tarqatgan ma’lumotiga qaraganda, braziliyalik futbolchi Germaniya qilgan safari sababli klub rahbarlari bilan gap tortishib qolgan.

Neymar reklama roligida ishtirok etish uchun Dyusseldorf shahriga uchib ketgan, lekin bu safar borasida klubdagilardan ruxsat olmagan.

Gap shundaki, “PSJ” seshanba kuni YECHL doirasida Germaniyaning “Borussiya” klubi bilan bahs olib boradi. Neymar tezroq jarohatidan keyingi tiklanish jarayonini amalga oshirishi kerak, lekin, futbolchi futbolga bog‘liq bo‘lmagan ishlar bilan shug‘ullanib yurgani uchun klub rahbariyati unga e’tiroz bildirgan.