"Liverpul" yarimhimoyachisi Jordan Henderson Angliya Premyer-ligasining 26-turida "Norvich"ga qarshi o‘yindan so‘ng o‘z fikrlari bilan o‘rtoqlashdi.

"Ular bizga muammolar tug‘dirishdi. Umuman olganda, bu yaxshi o‘yin bo‘ldi va biz o‘z oldimizga qo‘ygan maqsadga erishdik - uch ochko.

Shamol kuchli bo‘lganda, u har doim o‘yinga ta’sir qiladi, lekin ikkala jamoaga ham xalaqit beradi, shunchaki ko‘nikish kerak.

Hali ham yaxshilanishi mumkin bo‘lgan jihatlarimiz bor. Biz hafta o‘rtalarida yana bir muhim o‘yinga tayyorgarlik ko‘rishimiz kerak.

Siz bu so‘zlardan charchadingiz, ammo biz maqsadga bir qadam yaqinmiz. Keyingi uchrashuvga e’tibor qaratishimiz kerak.

Butun mavsum davomida qilayotgan ishimizni davom ettirishimiz kerak va hech narsani o‘zgartirmasligimiz lozim "dedi Henderson.