Italiya chempionatining 24-turi doirasida so‘nggi o‘yin bo‘lib o‘tdi. Dushanba oqshomida «Milan» o‘z uyida «Torino»ni qabul qilib, kichik hisobda g‘alaba qozondi.

Butun o‘yin davomida ustunlik Pioli shogirdlari tomonida bo‘ldi. Ular o‘zlari yaratgan ko‘plab vaziyatlarning faqat bittasidan unumli foydalanishdi. Uchrashuvning 25-daqiqasida Ante Rebich "rossoneri"ning yagona to‘pini raqib darvozasiga joyladi.

Bu qishki transfer paytida "Milan"ga o‘tgan xorvatiyalik futbolchi uchun Kubokni ham qo‘shib hisoblaganda oltinchi gol bo‘ldi.

Milanliklar esa A seriya jadvalida 35 ochko bilan 8-pog‘onani egallab turishibdi.

Italiya chempionati, 24-tur
Milan – Torino 1:0 (1:0, 0:0)
Gol: 1:0 – 25 Rebich.
Milan – Donnarumma, Kalabriya, Kyer (Gabbiya, 44), Romanyoli, Teo, Kessie, Bennaser, Kastilyexo, Lukas Paketa (Bonaventura, 69), Rebich (Rafael Leau, 88), Ibrahimovich.
Torino – Sirigu, Voynovich (Ayna, 85), Nkulu, Bremer, de Silvestri, Rinkon, Lukich, Ansaldi, Edera (Dzadza, 64), Berenger (Milliko, 85), Belotti.
Ogohlantirishlar: Bennaser (22), Edera (34), Kastilyexo (50), Rinkon (60), Ansaldi (72).