Италия чемпионатининг 24-тури доирасида сўнгги ўйин бўлиб ўтди. Душанба оқшомида «Милан» ўз уйида «Торино»ни қабул қилиб, кичик ҳисобда ғалаба қозонди.

Бутун ўйин давомида устунлик Пиоли шогирдлари томонида бўлди. Улар ўзлари яратган кўплаб вазиятларнинг фақат биттасидан унумли фойдаланишди. Учрашувнинг 25-дақиқасида Анте Ребич "россонери"нинг ягона тўпини рақиб дарвозасига жойлади.

Бу қишки трансфер пайтида "Милан"га ўтган хорватиялик футболчи учун Кубокни ҳам қўшиб ҳисоблаганда олтинчи гол бўлди.

Миланликлар эса А серия жадвалида 35 очко билан 8-поғонани эгаллаб туришибди.

Италия чемпионати, 24-тур
Милан – Торино 1:0 (1:0, 0:0)
Гол: 1:0 – 25 Ребич.
Милан – Доннарумма, Калабрия, Кьер (Габбия, 44), Романьоли, Тео, Кессиэ, Беннасер, Кастильехо, Лукас Пакета (Бонавентура, 69), Ребич (Рафаэл Леау, 88), Ибраҳимович.
Торино – Сиригу, Войнович (Айна, 85), Нкулу, Бремер, де Сильвестри, Ринкон, Лукич, Ансальди, Эдера (Дзадза, 64), Беренгер (Миллико, 85), Белотти.
Огоҳлантиришлар: Беннасер (22), Эдера (34), Кастильехо (50), Ринкон (60), Ансальди (72).