Londonning «Arsenal» klubi bosh murabbiyi Mikel Arteta Yevropa Ligasi doirasida «Olimpiakos» klubiga qarshi bo‘lib o‘tadigan uchrashuv haqidagi fikrlari bilan o‘rtoqlashdi.
«Rostini aytsam, hayajonlanyapman. Hech kimga sir emas, bu bahs men «Arsenal» klubi bosh murabbiyi sifatida Yevrokuboklardagi debyutim bo‘ladi. Ushbu uchrashuvga tayyorgarlik ko‘rish uchun “Olimpiakos” klubi o‘yinlarini tomosha qilish uchun juda ko‘p vaqt ketdi. Bu klub o‘z maydonida yaxshi o‘yin namoyish etadi.
Yevropa futboli Britaniya futboli bilan katta farq qiladi. Bu muhim nuqta va biz bunga moslashishimiz kerak. Raqib bizga taklif qilishi mumkin bo‘lgan barcha narsaga tayyor turishimiz kerak.
YECHLga yo‘llanma olish uchun imkoniyatimiz bor. Buning uchun APL va YELning har bir uchrashuvida muvaffaqiyatli o‘yin namoyish etishimiz kerak. «Arsenal» Yevropaning har bir burchagida g‘alaba uchun maydonga tushishi shart», — dedi Mikel Arteta.
