Лондоннинг «Арсенал» клуби бош мураббийи Микель Артета Европа Лигаси доирасида «Олимпиакос» клубига қарши бўлиб ўтадиган учрашув ҳақидаги фикрлари билан ўртоқлашди.
«Ростини айтсам, ҳаяжонланяпман. Ҳеч кимга сир эмас, бу баҳс мен «Арсенал» клуби бош мураббийи сифатида Еврокубоклардаги дебютим бўлади. Ушбу учрашувга тайёргарлик кўриш учун “Олимпиакос” клуби ўйинларини томоша қилиш учун жуда кўп вақт кетди. Бу клуб ўз майдонида яхши ўйин намойиш этади.
Европа футболи Британия футболи билан катта фарқ қилади. Бу муҳим нуқта ва биз бунга мослашишимиз керак. Рақиб бизга таклиф қилиши мумкин бўлган барча нарсага тайёр туришимиз керак.
ЕЧЛга йўлланма олиш учун имкониятимиз бор. Бунинг учун АПЛ ва ЕЛнинг ҳар бир учрашувида муваффақиятли ўйин намойиш этишимиз керак. «Арсенал» Европанинг ҳар бир бурчагида ғалаба учун майдонга тушиши шарт», — деди Микель Артета.
