Italiya chempionatining 25-turi doirasida «Yuventus» safarda musobaqa jadvalining eng quyi pog‘onasini egallab turgan SPAL klubi mehmoni bo‘ldi.

Mezbonlar "keksa sinyora"ga jiddiy qarshilik ko‘rsatishga urindi. Birinchi bo‘limga tugashiga 6 daqiqa qolganida Dibalaning uzatmasidan keyin Ronaldu darvozaning deyarli bo‘sh qolgan qismini ishg‘ol qildi.

Ikkinchi bo‘limda esa yana o‘sha Dibalaning pasidan keyin Remzi darvozabon bilan yakkama-yakka vaziyatga chiqdi va to‘pni posbonning ustidan oshirib, hisobdagi farqni oshirdi.

O‘yin tugashiga 20 daqiqa qolganida VAR maslahati bilan "Yuve" darvozasi tomon penalti belgiladi. Petanya esa 11 metrli jarima zarbasidan unumli foydalanib, o‘yinga intrigani qaytardi.

Turinliklar qolgan daqiqalarda raqibga gol urish imkonini bermadi hamda g‘alabani va peshqadamlikni saqlab qoldi.

SPAL – Yuventus 1:2 (0:1)
Gollar: 0:1 – 39 Ronaldu, 0:2 – 60 Remzi, 1:2 – 69, penalti Petanya.
SPAL – Berisha, Bonifasi, Zukanovich, Chonek, Resa, Missiroli (Tunev, 80), Valdifyori, Valoti (Di Franchesko, 89), Kastro (Fares, 60), Espeto, Petanya.
Yuventus – Shchensni, Kyellini (de Ligt, 55), Danilo, Rugani, Aleks Sandro, Matyuidi (Bernardeski, 79), Bentankur, Remzi (Rabyo, 73), Kuadrado, Ronaldu, Dibala.
Ogohlantirishlar: Valoti (19), Zukanovich (45), Matyuidi (78), Espeto (88), Danilo (90), Chonek (90).