Italiya chempionatining 25-turi doirasida «Milan» safarda «Fiorentina» mehmoni bo‘lib, g‘alabani qo‘ldan chiqardi.

Birinchi bo‘limda Zlatan Ibrahimovich raqib futbolchilarini aldab, darvozani ishg‘ol qilgan edi. Ammo hakam videotakrorni tomosha qilgach, golni bekor qildi. Boisi, shvesiyalik futbolchi to‘pni o‘ziga bo‘ysundirish chog‘ida to‘p uning qo‘liga tekkan edi.

Ikkinchi bo‘lim avvalida milanliklar hisobni ochishga muvaffaq bo‘lishdi. Jarima maydoni tomon yetkazilgan uzatmani himoyachi qaytardi, ammo qaytgan to‘pga birinchi bo‘lib Rebich yetib keldi va darvoza tomon zarba berdi. To‘p yo‘l-yo‘lakay mudofaa vakiliga tegdi va rekoshet holatda to‘rga borib tushdi.

Oradan ko‘p o‘tmasdan "Fiorentina" futbolchisi Dalbert Enrike maydondan chetlatildi. "Rossoneri" esa bir kishi ko‘p  bo‘lib o‘ynab g‘alabani qo‘ldan chiqardi. O‘yin tugashiga 5 daqiqa qolganida hakam bahsli vaziyatda "Milan" darvozasi tomon penalti belgiladi. Pulgar tomonidan yo‘llangan zarbaga Begovichning qo‘liga tegdi, ammo to‘p baribir to‘rga borib tushdi.

Ushbu durang tufayli Pioli jamoasi "Napoli"ni 6-o‘ringa o‘tkazib yubordi.

Italiya A seriyasi, 25-tur
Fiorentina – Milan 1:1 (0:0, 1:1)
Gollar: 0:1 – 56 Rebich, 1:1 – 85, penalti Pulgar.
Fiorentina – Drongovski, Lirola (Igor Julio, 73), Kaseres, Milenkovich, Dalbert, Pulgar, Dankan, Kyeza, Kastrovilli (Kutrone, 68), Pesselya, Vlaxovich.
Milan – Donnarumma (Begovich, 52), Konti, Romanyoli, Teo, Gabbiya (Musakkyo, 74), Kastilyexo (Salemakers, 80), Kessie, Chalxanoglu, Bennaser, Ibragimovich, Rebich.
Ogohlantirishlar: Bennaser (12), Chalxanoglu (24), Kaseres (76), Teo (85).
Chetlatish: Dalbert (62).